7仔食檔 × 日本網紅小貓 買套餐加$45換陶瓷碗

7-Eleven自家品牌7仔食檔，最近換上新招牌同大家見面，同步仲會送上驚喜限定換購優惠。黛安收到風，日本網紅小貓mofusand化身3款「mofusand陶瓷碗連湯匙套裝」喺7仔食檔登場！mofusand分別換上倉鼠、兔仔和牛牛嘅動物造型，配上粉色陶瓷碗連湯匙，可愛又實用。例如陶瓷碗耐受溫度由0度至100度，而且適用於微波爐及洗碗碟機。

即日起至11月7日，大家喺7仔食檔買任何套餐加$45即可換購1套，有3個款式任揀㖭，數量有限，換完即止，各位貓控要把握機會去換購喇。

另外，7CAFÉ亦首度推出季節限定嘅新口味冰極鮮奶咖啡，9月26日前仲有限時$11試飲優惠，大家快啲買返杯試下啦。